WASAFAH
Welcome
Login / Register
Advertise here

Latest Articles


  • اشهر واهم اسباب فشل الكيك

    اشهر واهم اسباب فشل الكيك

    تقدروا تعملوله شير براحتكم عشان يوصل لاكتر قدر من الناس وتستفيد منه
    ١- مشاكل سببها حراره الفرن المرتفعه :-
    درجه سوا الكيك بتكون علي فرن متوسط الحراره ١٨٠، درجه واكتر فرن مظبوطه فيه هو فرن كريازي افران الاي كوك درجه حراره افرانها مرتفعه جدا
    فلو الكيك بيطلع معاكي مرتفع وبعد كده يهبط او معجن من جوه او مرتفع من الجناب ويهبط من الوسط او محروق او ناشف او مقدد
    كل دي اسباب لارتفاع درجه حراره الفرن
    الحل :-
    اظبطي فرنك علي درجه حراره اقل من ١٨٠ درجه
    قبل ما تطفي علي الكيك بخمس دقايق غطي الصينيه بفويل عشان تستوي من جواها
    حطي الكيك في الرف الاوسط من الفرن
    متفتحيش علي الكيك قبل نص ساعه
    قبل ما تخرجي الكيك من الفرن اعملي اختبار السكين دخليها في وسط الكيك لو نضيفه خرجيها لو طلع فيها اي شي سبيبها تاني خمس دقايق
    مشاكل سببها البيكنج باودر و المحسن الجيل :-
    لو الكيك هابط وغير هش ومعجن من الداخل
    الحل :-
    لو بتستخدمي كيك شيف استخدمي معاه بيكنج باودر تاني
    استعملي معلقه كبيره من محسن الكيك الجيل في محلات خامات الحلواني
    متستخدميش كيس بيكنج باودر مفتوح من قبل كده لانه بيفسد
    المحسن الجيل او ما يبقي لونه ابيض ارميه فورا لانه كده بيكون فسد وهيبوظلك الكيك
    احفظي المحسن الجيل دايما في التلاجه
    مشاكل سببها السكر وهي كمان نفس اسباب عدم خلط الدقيق جيدا ووجود كتل منه في خليط الكيك :-
    احنا بنستخدم في الكيك سكر ناعم مش سكر بودره او سكر خشن عشان كده لازم نتاكد من كامل دوبان السكر في خليط الكيك لانه ممكن يسبب احتراقها
    وجود نقط بني في الكيك
    احتراق الكيك من الخارج
    وجود سطح ملزق للكيك
    رابع مشكله و الاخيره وهي مشاكل بسبب الصواني اللي بنخبز فيها :-
    الكيك محروق او ناشف من بره
    كتير منا بيستخدم انواع صواني مختلفه عن بعصنا عشان كده لازم تتاكدي من سمك الصواني اللي بنستخدمها في تسويه الكيك لازم تكون صواني سميكه الومنيوم او استانلس او اي نوع
    ولو كانت الصواني من الانواع الجديده اللي لونها غامق لازم تحطي صينيه تحتها لانها بتكتسب حراره بشكل اكبر من الاواني الاخري وكمان لو كانت الصواني خفيفه وسمكها قليل

    Read more »
  • ارز معمر حلو

    ارز معمر حلو
    1عدد طاجن 
    50 جرام ذبده = 2معلقه كبيره
    50 جرام سمنه = 2 معلقه كبييره
    50 جرام قشطه= 2 معلقه كبيره
    1لتر و 1/2نصف لبن= 7ونصف كوب
    250 جرام سكر خشن = 1كوب وربع
    10 جرام ملح= 1معلقه صغيره
    5جرام قرفه اختيارى= نصف معلقه صغيره
    5 جرام فانليا= نصف = نصف معلقه صغيره
    400 جرام ارز مصرى= 2 كوب
    الطريقه عمل الارز المعمر 
    اولا نضع نضياف الذبده مع السمنه مع القشطه مع الارز نغدمهم مع بعض كويس وندلجهم ثم نضع البن ونسيبه لمده 2الى 3 ساعات ثم نضع السكر والفانليا والملح والقرفه اختيارى ثم يدخل الفرن على درجه حراره 180 درجه ماويه لمده من 40الى 45 دقيقه تقريبا

    Read more »
  • مافن كيك

    الصنف مافن كيك 
    المقادير
    350جرام دقيق =2 كوب دقيق
    180 جرام سكر بدره =1كوب سكر بودرة
    50 جرام زيت = ربع كوب زيت ذرة
    50 جرام لبن = ربع كوب لبن حليب
    15 جرام بيكنج بودر = كيس بيكنج بودر
    ربع ملعقةصغيره فانيليا
    2 بيضات كبيره
    ذرة ملح صغير 
    الطريقة 
    نحضر الخلاط ونضع به الزيت والسكر مع البيض والبن والفانيليا والملح ونقوم بضربهم مدة 5 دقائق، ثم نضيف هذا الخليط على الدقيق والبيكنج بودر مع التقليب في اتجاه واحد، ثم نصب الخليط في قوالب الكب كيك بحيث نضع في كل واحدة ثلاثة أرباع عجين وسيزيد في الفرن، ويجب تسخين الفرن من قبلها على درجة حرارة 160 ونضع الكيك لمدة 25 دقيقة.

    Read more »
  • كنافه اساور عش البلبل

    الصنف كنافه اساور عش البلبل
    المقادير
    نصف كيلو كنافة طرح
    2 كوب سمنةسايحة 
    الشربات
    3كوب سكر
    1كوب ونصف ماء
    4معلقه كبيره عسل جلوكوز
    الحشو فول او بندق او او لوز فسدق
    الطريقه
    اولا نجيب الكنافة الطرح هنقطع منها جزء صغير بليد ونلفه على ايدينا اخر الخصلة اللى قطعناها دى نمسكها بالايد التانية ونشدها واحنا بنلف لازم نشد بالايد التانيه عشان الاساور تبقى ماسكة نفسها ومتخافيش مش هتتقطع منك ومش شرط نلف على ايدينا ممكن نجيب اى حاجة نلف عليها زى المعلقة الخشب او قلم مثلا اللى يريحنا ونبدأ نرص فى الصينية بشكل دائرى ونحط فى كل واحدة نعملها المكسرات لغاية ماتخلص الصينية هنسيبها برة ومن غير اى سمنة ليلة كاملة عشان تعضم وتنشف وتكون متماسكة ولما نيجى نساويها هنحطلها كمية السمنة وهتكون سايحة وندخلها الفرن على نار متوسطه تستوى وبعد خروجها من الفرن نصفى منها السمنه الزياده ونطلعها لما يبقى لونها دهبى وفيها ناس بتحبها اغمق من اللى عاملاها بس انا شايفة ان كده معقول اول مانطلعها نصفيها من السمنة الزيادة ونحطلها الشربات البارد ونقدمها لما تبرد

    Read more »
  • كنافه بالموز

    الصنف كنافه بالموز
    السهله لكل ست بيت

    المقادير
    500جرام كنافه
    250جرام سمنه =1كوب وربع سمنه
    50 جرام سكر بدره =2معلقه كبيره
    الشربات
    500 جرام سكر=2كوب ونصف
    250 جرام ماء= 1كوب وربع
    100 جم عسل جلوكوز =4معلقه كبيره
    1 عصير ليمون بعد الغليان
    الحشو فى النصف الكاستر
    21 كيلو لبن =2ونصف كوب
    50 جم كاستر بودره= 2معلقه كبيره
    100 جرام سكر= نصف كوب 
    1معلقه صغيره فانليا رشه
    2 عدد اصفر بيض
    500جرام موز=5موزات تقريب
    ا طريقه عمل الشربات
    نضع السكر على الماء وعسل الجلوكوز ولمه يغلى نضع الليمون طريقه عمل الكاستر نذوب الكاستر فى اللبن ونضع السكر والفانيليا والاصفر بيض ونقلبهم مع بعض كويس اوى ولمه تغلظ قوامه نطفى عليه النار 
    طريقه عمل الكنافه
    اولا نقطع الكنافه بسكينه او بليد قطع صغيره جد ناعمه ثانيا نضع على الكنافه السكر البدره ونقلبهم مع بعض كويس نفلفلهم مع بعض ثالثا نحضر الصنيه ونضع فى الصنيه كبشه سمنه من تحت ثم نضع نصف الكنافه من الكميه رابعا نضع الموز يكون مقطع شرائح ثم نضع الكاستر وندوس عليها اوى علشان تكون متسويه ثم نضع نصف الكنافه ونضغط عليها كلها خماسا نضع باقى السمنه من فوق وتدخل الفرن على نار هاديه ولما الوجه يحمر نقلب الصنيه على الجانب الثانى وتاخد وش على الجانب التانى يكون لون ذهبى سادسا وبعد خروجها من الفرن ونسقيها بالشربات البارد الثقيل لوفى حبه فسدق ياخد رشه خفيفه غلى الوجه فى النصف ديكور وتقدم

    Read more »
RSS
Advertise here